Strategaeth Gwaith Ieuenctid Wrecsam 2027–2032 Ymgynghoriad i Bobl Ifanc

Ynglŷn â'n Strategaeth Gwaith Ieuenctid (2027–2032)

Rydyn ni’n datblygu Strategaeth Gwaith Ieuenctid newydd i lywio sut rydyn ni’n cefnogi pobl ifanc yn ein hardal dros y pum mlynedd nesaf. Bydd y strategaeth hon yn nodi sut olwg sydd ar waith ieuenctid ar hyn o bryd yn lleol, beth mae pobl ifanc yn dweud sydd ei angen arnynt, a sut y byddwn ni a'n partneriaid yn gweithio gyda'n gilydd i ddiwallu'r anghenion hynny.

Mae pobl ifanc wrth wraidd y gwaith hwn. Mae'r strategaeth yn amlinellu'r llwybrau i bobl ifanc rannu eu barn, dylanwadu ar benderfyniadau, a'n helpu i adolygu’r cynnydd trwy gydol oes y cynllun. Rydyn ni wedi ymrwymo i sicrhau bod y cyfranogiad hwn yn gynhwysol, yn hygyrch ac yn gynrychioliadol o bob cymuned.

Mae'r strategaeth wedi'i hadeiladu ar dystiolaeth - gan gynnwys data lleol, mewnwelediadau gan sefydliadau ieuenctid, ac adborth gan bobl ifanc eu hunain. Mae hyn yn ein helpu i nodi blaenoriaethau, mynd i'r afael ag anghydraddoldebau, a chynllunio ar gyfer galw yn y dyfodol.

Trwy bennu amcanion clir a gweithio'n agos gyda phartneriaid, nod y Strategaeth Gwaith Ieuenctid yw cryfhau gwaith ieuenctid, gwella lles, a sicrhau bod gan bob person ifanc fynediad at gyfleoedd diogel, cefnogol ac ystyrlon.