Ynglŷn â: Adnewyddu Gorchymyn Gwarchod Mannau Cyhoeddus (PSO) Rheoli Cŵn a Baw Cŵn Cyngor Bwrdeistref Sirol Wrecsam

Cefndir yr ymgynghoriad

Ym mis Hydref 2014, cyflwynodd Deddf Ymddygiad Gwrthgymdeithasol, Troseddu a Phlismona 2014 (y Ddeddf) bwerau newydd sy'n berthnasol i fynd i'r afael ag Ymddygiad Gwrthgymdeithasol. Ym mis Medi 2023, cymeradwyodd y Bwrdd Gweithredol Orchymyn Diogelu Mannau Cyhoeddus (GDMC) 3 blynedd sy'n ymdrin â rheoli cŵn a baw cŵn ar draws Bwrdeistref Sirol Wrecsam.

Mae'r ddeddfwriaeth yn nodi mai'r uchafswm amser y gellir gweithredu GDMC yw tair blynedd, cyn bod angen adolygiad. Nid oes unrhyw gyfyngiadau ar y nifer o weithiau y gellir adolygu ac ailweithredu'r GDMC.

Mae'r Gorchymyn Diogelu Mannau Cyhoeddus hyd yma wedi cefnogi'r Cyngor yn ei ddull ac wrth orfodi mesurau rheoli cŵn a baw cŵn ar draws y Fwrdeistref Sirol. Mae angen i'r GDMC fod ar waith i sicrhau nad oes baw cŵn yn cael ei adael ar dir cyhoeddus a bod perchnogion cŵn yn gweithredu'n gyfrifol i gadw cŵn dan reolaeth mewn mannau cyhoeddus. Mae'r GDMC yn caniatáu i gamau gorfodi gael eu cymryd lle bo hynny'n briodol.

Trwy beidio â mynd i'r afael â phryderon yn effeithiol, mae'n amlwg bod risg i ansawdd bywyd trigolion, risg i enw da Wrecsam, gan gynnwys colli masnach ac atyniad i fusnesau newydd, ac yna gostyngiad yn nifer yr ymwelwyr/twristiaid yn yr ardal.

Beth rydym yn ei wybod?

Y GDMC yw un o'r offer a'r pwerau sydd ar gael yn y Ddeddf i fynd i'r afael ag ymddygiad gwrthgymdeithasol er budd trigolion, ymwelwyr a busnesau lleol. Nid gorfodi yn unig yw'r ateb i'r problemau, ond mae'n rhan hanfodol o ddull cyfannol gan gynnwys ymgyrchoedd newid ymddygiad

Beth rydym yn ymgynghori arno?

Mae Cyngor Bwrdeistref Sirol Wrecsam yn cynnal ymgynghoriad cyhoeddus i benderfynu ar safbwyntiau’r cyhoedd a chyrff eraill sydd â diddordeb ynghylch a yw'r mesurau a gynhwysir yn y GDMC yn dal i gael eu cefnogi ac a ddylent barhau. Mae'r GDMC yn cwmpasu'r Fwrdeistref Sirol gyfan, ac fe'i dangosir yn yr ardal o fewn y ffin ar y map. Cyfeirir ati fel yr ardal 'berthnasol'.

Sut y bydd eich safbwyntiau yn cael eu defnyddio:

Bydd canlyniad yr ymgynghoriad cyhoeddus yn cael ei ystyried gan y Bwrdd Gweithredol ym mis Medi 2026 a bydd ar gael ar wefan y Cyngor.